வைரஸ் தாக்கிவிட்டதா பென்டிரைவை?

  

இன்று கம்பியூட்டர் வைத்திருக்கும் அனைவரிடமும் இருப்பது பென்டிரைவ் என்ற ஒரு பொருள் தான் தற்பொழுது தகவல்களை சேமிக்க பெரும்பாலானவர்களால் பயன்படுத்தப்படுவது பென்டிரைவ்கள். இதில் முக்கியமான பிரச்சினை வைரஸ் பிரச்சினை. இப்படி பாதிக்கும் பொழுதுஉங்கள் பென்ட்ரைவில் உள்ளபைல்கள் மறைக்கப்பட்டுவிடும் கணினியில் பென்டிரைவைஓப்பன் செய்தால் எந்த பைல்களும் இருக்காது. ஆனால் properties சென்று பார்த்தால் பைல்கள் இருப்பது போன்றே அளவு காட்டும். காரணம் நம் தகவல்களை வைரஸ்கள் மறைத்து வைத்துவிட்டது. பென்டிரைவில் முக்கியமான தகவல்கள் ஏதும் இல்லை எனில் Format செய்து பென்டிரைவை திரும்ப பெறலாம். ஆனால் ஏதேனும் முக்கியமான தகவல்கள் இருந்தால் எப்படி அந்த பைல்களை பத்திரமாக மீண்டும் கொண்டு வருவது என பார்ப்போமா நண்பரே இதோ அந்த தகவல் உங்களுக்காக...

முதலில் பென்டிரைவை உங்கள் கணிணியில் சொருகி கொள்ளுங்கள்.

அதன் பிறகு Start ==> Run ==> CMD==> Enter கொடுக்கவும்.

இப்பொழுது பென்ட்ரைவ் எந்த டிரைவில் உள்ளது எனப்பாருங்கள். My Computer செல்வதன் மூலம் இதை கண்டறியலாம்.

உதாரணமாக E: டிரைவில் பென்ட்ரைவ் இருக்கிறது எனவைத்து கொள்வோம் அதற்கு நீங்கள் E: என கொடுத்து Enter அழுத்தவும்.

attrib -h -s -r /s /d *.*என டைப் செய்யுங்கள் ஒவ்வொருபகுதிக்கும் Space சரியாககொடுக்கவும்.

இப்போது Enter அழுத்துங்கள்.சில வினாடிகள் பொறுத்திருங்கள். இப்பொழுது உங்கள் பென்ட்ரைவ் சோதித்து பாருங்கள் உங்களுடைய பைல்கள் அனைத்தும் திரும்பவும் வந்திருக்கும்.

ஆண்ட்ராய்டில் பேக் அப் செய்ய ...!

                               

இன்று பெரும்பாலான மக்கள் அதிகம் ஸ்மார்ட்போன்களை பயன்படுத்த தொடங்கிவிட்டனர். ஸ்மார்ட்போன்களில் விண்டோஸ் ஓஎஸ், ஆப்பிள் ஐஓஎஸ், பிளாக்பெர்ரி ஓஎஸ் என பல மொபைல் ஓஎஸ்களில் ஸ்மார்ட்போன்கள் வந்தாலும் ஆன்டிராய்ட் போன்களை தான் பெரும்பாலான மக்கள் விரும்புகின்றனர். இன்று உலகில் உள்ள ஸ்மார்ட்போன்கள் பயன்படுத்தும் மக்கள் தொகையில் 80 சதவீத மக்கள் ஆன்டிராய்ட் ஸ்மார்ட்போன்களையே பயன்படுத்துகின்றனர். ஸ்மார்ட்போன்களில் புதிதாக ஓஎஸ் அப்டேட் செய்யும் பொழுது டேட்டாவை பேக் அப் எடுத்து வைப்பது மிகவும் முக்கியம். ஆன்டிராய்ட் ஸ்மார்ட்போன்களில் பேக் அப் எடுப்பது எப்படி என்ற தகவலை கீழே பார்ப்போம்.

               

கூகுளின் சேவைகள் மூலம் ஆன்டிராய்ட் போன்களில் டேட்டாவை பேக் அப் எடுத்து வைக்கலாம். முதலில் செட்டிங்ஸ்க்கு சென்று backup & reset ஆப்ஷனுக்கு போக வேண்டும்.

              

backup & reset ஆப்ஷனுக்கு போன பின் "Backup My Data" and "Automatic Restore." என்பதை செலக்ட் செய்ய வேண்டும்.

              

பின்பு உங்களுது எந்த கூகுள் அக்கவுன்டில் நீங்கள் டேட்டாவை பேக் அப் எடுத்து வைக்க உள்ளீர்களோ அந்த அக்கவுன்ட் மூலம் சிங்கிரனைஸ் செய்ய வேண்டும். நீங்கள் கம்பியூட்டரிலோ அல்லது வேறு எதாவது சாதனங்களிலோ பேக் அப் எடுத்து வைப்பதை விட கூகுள் சேவைகளில் பேக் அப் எடுத்து வைப்பது பாதுகாப்பானதாகும்.

              

கூகுள் சேவைகளில் பேக் அப் எடுத்து வைப்பது உங்களுக்கு சரியாக இல்லையென்றால் மேலும் வசதியாக நீங்கள் My backup pro என்ற அப்ளிகேஷனை பயன்படுத்தி நீங்கள் டேட்டாவா பேக் அப் எடுத்து வைத்துக்கொள்ளலாம்.

             

எஸ்எம்எஸ்களை பேக் அப் எடுத்த வைக்க sms backup என்ற இலவச அப்ளிகேஷனை நீங்கள் பயன்படுத்தலாம்.

பேப்ளேட்(Phablet) என்றால் என்ன?

திரை அளவு 5 முதல் 7 இன்ச் வரை உள்ள ஸ்மார்ட் போன்களே பேப்ளேட்(Phablet) என அழைக்கப்படுகின்றன. இது ஸ்மார்ட் போன்(Smart Phone) மற்றும் டேப்லெட்ன்(Tablet) அனைத்து சிறப்புகளையும் கொண்டது. அதாவது ஸ்மார்ட், டேப்லெட் என இரண்டு வெவ்வேறு வகையான சாதனங்களை உபயோகிப்பதை தவிர்க்கவே வந்ததுதான் பேப்ளேட்.

இனி நீங்கள் வாங்கப்போவது பேப்ளேட் தானே??!!

யூடியுப் விளம்பரங்களை தடை செய்ய

          
யூடியுப்பில்(youtube) வீடியோ ஓடும் போது குறுக்கே வரும் விளம்பரங்கள் இடையூறு செய்கின்றதா? கூகிள் குரோம் பிரவுசர் உபயோகிப்பவரா நீங்கள்?குரோம் பிரவுசர்கென ஒரு யெக்டென்ஸன்(extension) உள்ளது. அதுதான் ஆட்பிளாக் பிளஸ்(Adblock plus). இதை கூகிள் குரோம் பிரவுசரில் இன்ஸ்டால் செய்தால் போதுமானது..இதுவே வீடியோ ஓடும் போது வரும் விளம்பரங்களை தடுத்துவிடும். விளம்பர தொந்தரவின்றி வீடியோ பார்க்கலாம்..